OMG ég held að ég læri aldrei á þetta :/
Stundum er bara erfitt að vera móðir, húsmóðir, eiginkona og útivinnandi, og eiga að standa sig í öllum þessum hlutverkum. Nú er ég hreinlega þreytt og uppgefin, en maður má það ekkert, verður bara að halda áfram. Get þó ekki sagt að ég sé neitt að brillera í þessum hlutverkum í dag.
Þær eru alveg stórkostlegar, híhí. Tónlistin er svo geggjuð, alltaf þessar æpandi fiðlur og önnur strengjahljóðfæri í crecendo þegar eitthvað spennandi eða ógnvekjandi er í uppsiglingu. Ef myndirnar eru í lit þá eru þessir litir alveg yndislegir. Eitthvað svo sterkir og hreinir, eiginlega alveg í stíl við litina á bílunum frá þessum tíma. Svo er það þetta allra besta, en það eru ópin í kvenfólkinu. Það hljóta nú að flokkast sem sérstakir hæfileikar að ná svona yfirmáta skerandi, kvenlegu öskri :D Bara frábærar þessar myndir sko ;)
Arna rauk bara upp í 40 stiga hita í kvöld. Hún er búin að vera hóstandi í nokkra daga, en nú er hún orðin "ordentlig" lasin greyið. Hún sefur núna, en ég heyri hana samt brölta og hósta og stynja inni í rúmi :( Litli anginn minn. Vonandi batnar henni fljótlega.
Það er svo gaman þegar heimili manns er bara alltaf gestahæft. Alveg ótrúlegt bara hvað þessar 20 mínútur á dag hafa breytt öllu... verst að það koma bara engir helv... gestir >:(
Einu sinni var sú tíð að ég fékk margar bækur í jólagjöf og hafði alltaf nóg að lesa. Svo fór þeim að fækka og að lokum fékk ég bara enga bók í jólagjöf. Jú, ég hef nú einstaka sinnum fengið einhverja bók um jólin, en það er mjög sjaldan. En nú er svo komið að ég er búin að lesa allar bækurnar mínar svona 370 sinnum, hverja þeirra, og ég bara þori varla að lesa þær oftar af ótta við að þær muni hreinlega detta í sundur vegna slits og álags. Þannig að ef einhver á bækur aflögu þá má sá hinn sami senda mér þær hingað út. Sendið mér bara e-mail og ég skal láta ykkur fá adressuna.
Eða kannski maður ætti bara að fara á bókasafnið :S
Smellið bara á myndina til að sjá hana betur ;)
Lilja heiti ég og er hjúkrunarfræðingur á besta aldri. Ég á þrjú börn, Elísu Auði ('95), Örnu Valdísi ('00) og Hjalta Sævar ('02). Ég hef alltaf gaman af því að vera í góðra vina hópi, sérstaklega að fara í sumarbústað eða útilegu og hafa það gott. Á afmælinu mínu 2012 fékk ég sokkaprjónsbók í afmælisgjöf og ákvað þá að ég yrði nú allavegana að læra loks að gera hæl og prjóna eins og eitt par af sokkum. Hins vegar smitaðist ég bara af einhverri svaka prjónabakteríu og hef bara ekki stoppað síðan, sem betur fer ;)
