Aumingja kallinn minn, liggur bara þunnur inni í rúmi (tíhí). Annars veit maður nú alveg að það er ekkert gaman að vera þunnur. Ég er hins vegar bara mjög hress, búin að laga ágætlega til, þreif ísskápinn og eldavélina í gær og er svona að dunda mér við að grynnka á þvottahrúgunni, þessari hreinu sko ;)

Svo er barasta HELLIDEMBA úti núna. Fínt að fá smá vorrigningu til að hreinsa burt veturinn og koma gróðrinum af stað ;)

Það er búið að bjóða okkur í þrítugsafmæli um þarnæstu helgi hjá Mumma. Við erum meira að segja líklegast búin að fá pössun fyrir börnin svo við hjónakornin getur skroppið bara tvö og sleppt af okkur beislinu ;) Það verður nú gaman, ekki oft sem við höfum tækifæri til þess.

Aldrei þessu vant þá er kallinn farinn á djammið og ég sit heima, en ekki öfugt, hehehe. Hann hefur sko bara gott af því að skreppa svona smá, gerir allt of lítið af því. Tveir kunningjar hans, Siggi og Hjalti, komu hér yfir og þeir sátu hér í smá stund og fengu sér í glas... og hlustuðu á BUBBA (Íslendingar sko, hvað annað). Bubbi er nú ekki í neinu sérstöku uppáhaldi hjá mér, en ég lét mig hafa það :Þ Og núna eru strákarnir farnir á pöbb og ég sit bara ein hér í rólegheitum. Börnin sofandi sko. Annars veit ég nú ekkert hvað ég á að gera svona alein, hahaha, hangi hvort sem er bara í tölvunni eins og venjulega. Nei, kannski ég finni mér einhverja væmna kellingamynd og breiði úr mér í sófanum og glápi og grenja smá, svona eitthvað stelpudót ;)

Svei mér þá... Trung datt út en ekki Sandra. En já það voru nú samt Sandra, Trung og Margaret sem lentu í sófanum, eins og ég bjóst við. En það sést nú best á þessu að margir eru greinilega ekki að kjósa eftir sönghæfileikum. En, æ, maður vissi það svo sem alveg. Ég reyndar spái Mariu sigri.

Jæja, þá eru allir keppendur búnir að syngja í Idol og við bíðum bara eftir niðurstöðum kosninanna, en það verðir sýnt frá því eftir kortér. Sandra söng bara virkilega illa í kvöld, ef hún dettur ekki út þá sést nú greinilega hvað þetta Idol er mikð bull. Hún er bara að fá einhver samúðaratkvæði af því að hún er svo ung og sæt, og vegna þess að margir rökkðu hana niður eftir að Ahn datt út. Meira að segja dómararnir þora ekki að segja neitt neikvætt við hana. Þeir bara brosa og eru bara með eitthvað "klapp á bakið litla sæta stelpa sem allir eru búnir að vera svo vondir við". En við sjáum nú hvað setur á eftir. Það verður spennandi að sjá hverjir lenda í sófanum. Hef grun um að það verði allavegana Sandra og Trung. Erfiðara að spá um þriðja aðilann. Gæti jafnvel orðið Margaret... þó hún sé nú eitt af mínum uppáhöldum. Maria sló gjörsamlega í gegn, söng I'm every woman, og maður fékk bara virkilega gæsahúð. Kjartan sjarmaði mig líka ;)

Það var påskefrokost á leikskólanum hennar Örnu í morgun. Við Bjöggi fengum sem sagt morgunmat með börnum, foreldrum og leikskólakennurum. Þetta var voða notalegt og gaman. Mér sýndist líka að Örnu þætti þetta afskaplega sniðugt að geta borðað morgunmat á LEIKSKÓLANUM með mömmu og pabba. Annars er ég að fara með Örnu og Elísu í klippingu á eftir, ekki veitir af að snyrta faxið á þeim smá ;)

Alltaf er sama stuðið á Dramalandi. Nú er manneskja sem kallar sig QMEN að gera allt vitlaust þar. Ein af þeim sem nýtur þess greinilega að droppa einhverjum sprengjum á umræðurnar og sjá viðbrögðin sem hún fær við þeim. Hún yrði eflaust svakalega stolt ef hún sæi að ég væri að skrifa um hana hér, haha. Og fólk þarf alltaf að gleypa við agninu og láta pirra sig, svara fullum hálsi og allt það, sem er auðvitað nákvæmlega það sem hún vill. Auðvitað væri langsniðugast að ignora hana bara, það myndi eflaust pirra hana langmest... ég stenst samt stundum ekki mátið sjálf og svara þessum umræðum, gegn betri vitund. En ég hef nú lúmskt gaman af smá heitum umræðum ;) Finnst hins vegar mjög leiðinlegt fólk sem er með pjúra dónaskap og niðurlægjandi komment til annarra bara til að búa til vesen, og telur það bara vera allt í lagi vegna þess að þetta er bara "þeirra skoðun" og þau eru bara svona "hreinskilin". Jeje!

Já og svo er Idol í kvöld, gaman gaman. Hver skyldi detta út núna? Vonandi Sandra.

Það er GEGGJAÐ veður. 15 stiga hiti, sól og blíða. Fólk labbar bara úti á peysunni og einstaka harðjaxlar í stuttermabol ;) Elísa ofurkona er að sjálfsögðu úti í stuttermabol og stuttbuxum. Ég er bara í svakalega góðu skapi (þrátt fyrir að ég er ekki að koma mér af stað í mataræðisaðhaldinu). Nú er ég komin í fjögurra daga frí og ætla sko að nýta tímann (er ekki þunn núna ;) Hér verður sko íbúðin tekin í gegn á morgun á meðan börnin eru í leikskóla og skóla... hmm eða kannski maður skreppi fyrst yfir til Sverige að versla aðeins. Allavegana gera eitthvað af viti :D

Rosalega er veðrið farið að vera yndislegt, greinilega komið vor :D Hitinn fór alveg upp í 12 stig í dag og enn hlýrra í sólinni. Ekkert smá meiriháttar :D Er sko fyrir löngu orðin leið á vetrinum. Annars finnst mér árstíðaskiptin hér vera rosalega skörp. Fyrir nokkrum dögum var bara snjór og vetur og nú er komið svo fínt veður að það myndi næstum sæma sér sem ágætis sumardagur á Íslandi. Ég var á kvöldvakt í gær og í dag og fer á dagvakt á morgun, en svo er ég komin í 4 daga helgarfrí. Ætla sko að nýta tímann og gera fínt hér og snurfusa. Smá svona vorhreingerningu ;) Maður kemst í svoleiðis stuð þegar það er svona gott veður og bjart úti :D Já og hér er myndin af mér sem ég lofaði, með stutta hárið. Reyndar nýkomin af kvöldvakt þarna, pínu úldin og úfin, en samt ;)